Ndryshe nga vitet e kaluara, sivjet situatën me zjarret kryebashkiaku i Pukës Gjon Gjonaj e sheh më të qete dhe të menaxhueshme nga institucioni që drejton. Kjo sipas tij vjen për një sërë arsyesh.
Por ajo që do të mbesë problem për këtë njësi vendore janë burimet njerëzore, pasi Puka me mbi 50 mijë hektar pyje, ka në dispozicion vetëm 6 specialistë.
Rritja e temperaturave shton rrezikun e zjarreve në masive pyjore dhe Puka listohet një ndër qarqet problematike, pasi aty ndodhet rreth 40% e gjithë sipërfaqes së vendit. Pergjegjësite e ndara mes shumë institucioneve janë një tjetër handikap që krijohet. Vitet e fundit pasojat e dëmtimit të pyjeve janë bërë më të dukshme, pasi përmbytjet, erozioni dhe ndotja mjedisore i kanë dhënë efektet e veta. Për ruajtjen e tyre qeveria ka miratuar edhe moratoriumin 10 vjecar të ndalimit të prerjes, që ka hyrë në fuqi dhe shihet si mundësia më e mirë e rigjenerimit të kurorës së gjelbërt.
