Pas dështimit të negociatave, gjuetarët i janë drejtuar gjykatës kushtetuese për të rrëzuar nismën e qeverisë që shtyn edhe me 5 vite të tjera moratoriumin e gjuetisë. Ky vendim sipas tyre vjen i detyruar nga mos gjetja e gjuhës së përbashkët me instancat shtetërore për të mos shtyrë këtë moratorium që po dëmton gjuetarët e rregullt dhe taksapagues ndaj shtetit.

Gjuetarët e shoqatës “Jakup Bajri” në Shkoder shkojnë më tej kur thonë se moratoriumi 2 vjecar nuk ka dhënë asnje efekt pozitiv, prandaj shtyrja është e papranueshme.

15 Marsi i këtij viti do të duhej të ishte dita e perfundimit të moratoriumit 2 vjecar të gjuetisë, por ministria e linjës vendosi shtyrjen edhe me 5 vite. Momentalisht ne Shqiperi jane rreth 15 mijë anëtare të shoqatave të gjuetise ne të gjithë vendin që preken nga kjo shtyrje.