Është arrestuar të premten në orën 22.00 të mbrëmjes në banesën e tij me akuzën rekrutues dhe mbështetës financiar për organizatën terroriste “ISIS”, por nëna e Ergys Faslisë nga Shkodra thotë se ende është e shokuar nga akuzat e ngritura ndaj djalit të saj, të cilat i hedh poshtë si tërësisht të pavërteta.
Sigurojmë jetesën me vështirësi, e jo më të financojmë të tjerë thotë ajo, duke shtuar se i biri nuk disponon as pasaportë për të lëvizur jashtë Shqipërie, kufijtë e të cilës nuk i ka kaluar asnjëherë.
Jetmira Faslija ka një apel për drejtësinë dhe shtetin shqiptar.
2 nga 4 të arrestuarit e policisë në operacionin rajonal, janë Ergys Faslija dhe Bekim Protopapa i pari me profesion berber dhe i dyti me profesion mjek në fshatin Reç të Malësisë së Madhe. Ndërkohë 2 përsonat e tjerë të arrestuar ishin nga Dibra dhe Tirana.
