Ky ishte premtimi i kryebashkiakes Voltana Ademi rreth 2 muaj më parë, i bërë pikërisht nga një prej veprave të artit që identifikon Shkodren. Por nga ajo ditë asgjë nuk ka ndryshuar për mirë, veçse shkatërrimi që vijon në Urën e Bunës, pak nga koha e pak nga dora e njeriut që vijon të vjedhe elementet metalikë. Nëse ndokush e quan ndërhyrje vendosjen e disa dërrasave, atëherë ura e Bunës rrezikon që brenda një kohe të shkurtër të shkatërrohet plotësisht duke vënë në rrezik edhe jeten e qytetarëve.
Një pjesë e urës u shemb disa vite më parë, duke bërë që këmbanat e alarmit të jenë sot edhe më të forta për shkak të amortizimit që ajo ka pësuar. Shpresohet vetëm që neser të mos jetë vonë, e Shkodra të humb një tjetër vlerë të sajën me të cilën të gjithë e njohin.
