Temperaturat e ulëta të ditëve të fundit nuk kanë krijuar bllokime në segmentet rrugore të rrethit Shkoder dhe qarkullimi është kryer normalisht. Shefi i emergjencave civile Ridvan Bushati sqaron se te vetmet probleme të krijuara janë ato në disa zona për shkak të përrenjëve nga ngricat. Për këtë qëllim drejtuesve të automjeteve u kërkohet që në zonat malore të tregojnë kujdes në levizje.
Gjatë stinës së dimrit në pjesët malore të vendit ngricat dhe debora janë shkaktaret kryesore të problemeve në rrugë. Kompanitë e kontraktuara janë këshilluar të tregojnë kujdes në respektimin e kontratës, pasi në të kundërt për ta nuk përjashtohen penalizimet.
