Të gjitha monumentet e kulturës në qarkun e Shkodres që deri më sot nuk kanë patur asnjë ndërhyrje, megjithëse amortizimi nga faktori kohë apo dora e njeriut kanë qënë të mëdha, do të mund të njohin gjatë 2017-es riparimet e kërkuara. Drejtoria rajonale e kulturës kombëtare ndodhet në fazën e hartimit dhe planifikimit të projekteve, që më pas të marrin miratimin e kërkuar.
Një vemendje e veçantë do t’i kushtohet kalasë së Drishtit, ndër të vetmet në vend edhe sot e banuar. Nga shpallja si monument kulture ajo nuk ka patur asnjë ndërhyrje dhe muzeu që ndodhet brenda këtyre mjediseve, qendron thjesht si godinë pa asnjë element brenda saj.
Ndërhyrje do të ketë edhe në Urën e Mesit, si edhe në objekte të tjera kulturore në qytetin e Shkodres, por edhe të bashkive të tjera.
