Volejbollisti kuqeblu lë pas dëmtimin, dhe rimerr formën e duhur sportive
Për Ditmir Rrashketen, volejbollistin e Vllaznisë, i cili mban edhe shiritin e kapitenit të këtij ekipi duket se kanë marrë fund vuajtjet e dëmtimit që mori muaj më parë. I dalë nga shkolla e volejbollit shkodran, për arsye studimesh në shkollën e lartë, Rrashketa luajti për disa sezone me ekipin e Studentit duke spikatur si më i miri i këtij ekipi, ndërkohë që rikthimi në Shkodër u prit me shumë interes nga skuadra dhe mbarë opinion sportiv shkodran.
Vllaznia nën drejtimin e trajnerit Mark Krroqi dhe kolegut të tij Fation Ademi vazhdon përgatitjet e saj intensive në fazën përgatitore dhe me të gjitha gjasat me formën shumë të mirë që po merr skuadra pritet të jetë me të vertete një nga skuadrat pretendente për fitimin e trofeve të vitit.
