Bota e krimit po kërcënon rëndë të ardhmen e vendit, prandaj media dhe politika duhet të bashkojnë forcat për ta ndalur këtë kërcënim. Ky ishte apeli i lëshuar nga kreu i shtetit Bujar Nishani, që zgjodhi ta ndajë këtë fillim viti, e pikërisht 6 muaj përpara zgjedhjeve të përgjithshme parlamentare.
Viti 2017 do të jetë deçiziv për të ardhmen e Shqiperisë theksoi Nishani.
Askush nuk mund t’i monitorojë më mirë se media këto procese, prandaj ai kërkoi prej përfaqësuesve të saj të jenë në lartësinë e duhur.
Abuzimi që po bëhet me burimet natyrore të vendit ishte një tjetër shqetësim i ngritur nga presidenti i Republikës, i cili shtoi se këto pasuri kurrë nuk janë përkthyer në mirëqënie për shoqërinë.
