Moti i ftohtë i këtyre ditëve ka sjellë edhe cudira në Lezhë.Temperaturat nën zero kanë cuar në ngrirjen totale të lagunës së Kunës në Shëngjin, si edhe te hidrovorit. Edhe pse ujëra të kripura, duket se i ftohti polar ka ngrirë cdo gjë. Banorët të zonës shprehen të impresionuar mbi pamjen e krijuar,ku kalohet lehtësisht në të gjithë perimetrin e kësaj lagune dhe dalja në det nuk është aspak e vështirë. Një pamjë e tillë i kishte munguar kësaj zonë që nga viti 1963, ndërsa për banorët që jetojnë pranë saj, kjo është një mrekulli natyrore.
Por krahas të bukurës pasojat janë të pashmangshme, pasi gjallesat nën ujore dëmtohen shumë, ku më të rriskuar janë peshqit.
Në Lezhë gjatë së mërkurës temperaturat shënuan deri në -4 gradë celsius gjatë ditës, ndërsa në zonat malore pati reshje dëbore.
