Ndërsa basketbolistët meshkuj duket se po rikthehen fuqishëm në garën për titull, tek skuadra tjetër, ajo e basketbollit të femrave situata nuk paraqitet fort e mirë. Duke folur per tv1 Channel, trajneri i kësaj skuadre Rajmond Rasha ndalet te vështirësitë e fazës përgatitore dhe sidomos për shqetësimin e kahershëm të numrit shumë të pakët të sportisteve që ka në dispozicion gjë që e vështirëson shumë përballimin nga ana fizike të ndeshjeve për lojtaret e formacionit.
Megjithatë, trajneri Rasha dhe kolegia e tij Afërdita Rakaj shpresojnë se me mbështetjen edhe të drejtuesve të klubit Vllaznia gjatë periudhës në vazhdim situata do të normalizohet në mënyrë që ashtu si basketbolli meshkuj edhe femrat të kenë progresin e duhur në arritjen e rezultateve pozitive.
