Volejbollistet shkodrane të drejtuara nga trajnerja Sadije Gogo vazhdojnë përgatitjet me intensitet të plotë për fazën e dytë të kampionatit. Kamera e TV1 Channel ndoqi nga afër një seance stervitore të zhvilluar në pallatin e sportit “Qazim Dervishi”, ndërkohë në emër të skuadrës kuqeblu foli kapitenia e skuadrës, Klavia Peteza.
Ditë më parë, trajnerja e kësaj skuadre Sadije Gogo bëri të ditur se për fazën e dytë të kampionatit Vllaznia ka projektuar të ketë edhe ndonjë blerje. Ndaj, për këtë arsye me mbështetjen edhe të sponsorëve që janë ofruar pranë skuadrës po bëhen përpjekjet e duhura për përforcimet e duhura, ku me të gjitha gjasat ditët e ardhshme Vllaznisë do t’i bashkohet një volejbolliste cilësore nga Mali i Zi, çka nëse do të behëj realitet do t’ia shtonte edhe më shumë forcen kësaj skuadre.
