Bashkia Shkoder nuk permbush detyrimin per t’i pastruar
Mbetjet urbane nuk jane nje shqetesim i ri per shume zona te Shkodres, ku situata ka kaluar kufinjte e normales. Në njësinë administrative rrethina, pikerisht ne “Golem” mos vendosja e kazaneve nga ana e bashkisë Shkoder, ka bërë që qytetarët të detyrohen t’i hedhin mbetjet në tokë. Pirgjet e krijuara po kthehen ne rrezik serioz per jeten e familjeve perreth, ndersa imazhi qe krijohet nuk ka nevoje per shume komente.
Sikur te mos mjaftonte hedhja e mbetjeve vend e pa vend, si zgjidhje banoret kane gjetur eleminimin e tyre permes djegies, ç‘ka kthehet drejteperdrejte ne kercenim per jeten e tyre. Tymi qe perhapet eshte burim semundjesh te renda, ndersa bashkia ben sehir perballe kesaj gjendje, qe ka detyrimin t’i jape zgjidhje.
Golemi nuk eshte zona e vetme, pasi banoret e fshatit Trush kane derguar nje video ne redaksine e tv1 channel, ku prej ditesh te tera ne kete zone mbeturinat nuk pastrohen. Ato kane nisur te perhapen ne te gjitha rruget e fshatit.
Bashkia e Shkodres vijon te krenohet me punen e saj ne qytet, por ka harruar se ndarja e re territoriale i ka perfshire edhe njesite administrative, per te cilat as qe po merr mundimin t’i jape zgjidhje nje prej ceshtjeve me delikate sic jane mbetjet.
