Prej disa muajsh Lezha është pushtuar nga mbeturinat. Me problematike situata është në zonat periferike ku mbetjet janë shperndare kudo në mjedis dukë krijuar jo vetem një panorame të pakendshme por edhe një rrezik të mundshem për perhapjen e epidemive. Drejtori i Inspektorjatit te mjedisit në Lezhë Ferdinant Ndoj, tha se kjo periudhë ka qenë problemtike edhe për faktin se bashkia është në fazen e tenderimit të kontratave më firmat e pastrimit. Ai kerkoi qe te marre fund ne menyre emergjente kjo gjendje, pasi ne te kundert siç parashikon ligji do te aplikohen masa te renda ndeshkimore.
Më heret bashkia ka bërë të ditur se do jenë tre zona për pastrimin Shengjini dhe Lezha, Bregu i Mates dhe zona veriore. Megjithatë vonesat në lidhjen e kontratave po i vuajnë banoret e Lezhës të cilet duhet të përballen me këtë situatë ndotje aspak normale.
