Kupa e Shqipërisë e fituar pasditen e së mërkurës në stadiumin “Elbasan Arena” nga ekipi i futbollit të Vllaznisë për femra është trofeu i parë që vjen në Shkodër vetem pak ditë pas 98 vjetorit të klubit Vllaznia. Sukses të cilin pritet ta shoqërojnë edhe skuadra të tjera, por padyshim që edhe vetë futbollistet e kësaj skuadre të cilat kanë garantuar se do të sjellin në Shkodër edhe titullin kampion. Pas kthimit në Shkodër, tre protogonistë të kësaj skuadre, trajneri Nikolin Leka dhe dy futbollistet, Ardiola Raxhimi dhe Uendi Muja ndajnë emocionet e këtij suksesi me shikuesit e TV1 Channel.
Duke lënë pas finalen e kupës, futbollistet kuqeblu kanë nisur të mendojnë menjëherë për kampionatin ku në fundjavë do të luajnë derbin shkodran duke pasur përballë ekipin e akademisë Ajaks Shkodra.
