Tiranasit të ardhur në merkaton dimërore tek Vllaznia, tekniku Cungu i ka besuar majen e sulmit kuqeblu, detyrë të cilen po e kryen më së miri, për të cilen flet edhe vete fakti ku sistematikisht figuron të jetë autor golash përcaktues në rezultatet e kuqebluve. Rrjeta që tundi të dielen në “Loro Boriçi” ishte e katërta për të në këtë kampionat.
Pasi flet për fitoren dhe skuadrën në përgjithësi, ku ndër të tjera nuk nguron të shprehë ngrohtësinë që ka gjetur në Shkodër, Bakaj flet edhe për merkaton ku nga gazetarët i vihet në dukje interesimi i bardhebluve për të.
Me këtë ritem pozitiv të shënimit të golave në këto pak ndeshje që ka luajtur për Vllazninë, nuk përjashtohet mundësia që deri në fund të kampionatit, emri i Elis Bakajt të figurojë në listen e pretendentëve për “këpucen e artë”, por megjithatë, për të më i rëndësishem është goli që i vlen ekipit, duke qënë optimist që Vllaznia në fund të sezonit të jetë mes katër skuadrave më të mira të kampionatit.
