Që prej ditës së martë Vllaznia ka zyrtarisht të vetin basketbollistin amerikan Chris Oliver. I gjatë 2 meter e 4 cm, basketbollisti amerikan me banim në Çikago që në sezonin e fundit ka qënë pjesë e ekipit kosovar “Ylli” i Suharekes është prezantuar paraditen e së martes nga ana e inspektorit të lojrave me dorë Astrit Zaganjori. Ai sebashku me stafin teknik të Vllaznisë është marrë shumë me procedurat e merkatos së Oliver vlerëson pozitivisht ardhjen e këtij basketbollisti në përbërje të Vllaznisë. Me ardhjen e amerikanit të katërt Oliver, Vllaznia tashmë është kandidatja kryesore për fitimin e titullit kampion shprehet Zaganjori.
Amerikani Oliver është shprehur i kënaqur që i bashkohet Vllaznisë. Ndër të tjera ai u shpreh se e njeh përgjithësisht lojën e skuadres kuqeblu, ndaj edhe ka premtuar se ka ardhur për titullin kampion.
“Jam shumë i lumtur që jam këtu në Shkodër. E pranova me dëshirë ftesen e Vllaznisë dhe i jam bashkuar Vllaznisë në këtë pjesë finale të sezonit për të fituar titullin kampion. Kryesisht jam një lojtar që luaj në pozicionin pesë me shpinë nga koshi duke qënë i përqëndruar të kapë topa në tabelë në mbështetje të skuadrës për shënimin e pikëve të fitores. Lojen e Vllaznisë përgjithësisht e njohë sepse kemi pasur rastin të ballafaqohemi në ndeshjet miqësore me ekipin kosovar. Po e pres me shumë emocion diten e shtunë për të qënë pjesë e Vllaznisë në ndeshjen e radhës që luhet këtu në Shkodër përballë Kamzës. Shpresoj shumë që Vllaznia do të jetë kampionia e Shqipërisë në fund të kampionatit.
Në mbyllje, 24 vjeçari Chris Oliver, që më parë përpos Suharekes ka luajtur edhe në kampionatin gjeorgjian ka kërkuar të përshëndes edhe tifozërinë e zjarrtë shkodrane duke i premtuar se në ndeshjen e radhës ndaj Kamza Basket që luhet në orën 18.00 të së shtunës në pallatin e sportit “Qazim Dervishi” të Shkodrës, do të dhurojmë spektakël në fushën e lojës.”
