Shifrat e frikshme të obezitetit tek moshat e reja në vendin tonë kanë nxitur marrjen e një nisme origjinale në shkollat 9-vjeçare e të mesme, e pagëzuar “Buka në strajcë”. Për t’i larguar fëmijët nga konsumi i produkteve të gatshme të blera në dyqane, apo fasd-food, u zgjodh që në një nga gjimnazet e Shkodres të bëhet shpërndarja e bukës së përgatitur në shtëpi.
Vetë nxënësit e kanë përqafuar nismën, ndërsa mesazhi i përcjellë tek ata ishte që më mirë ushqimi i përgatitur me produktet të freskëta nga nënat e tyre, sesa ai i blerë që ka qëndruar me muaj i paketuar e në temperatura të papërshtatshme.
E për ta vertetuar që një nisëm e tillë është domosdoshmeri ndihmojnë në këtë rast shifrat publike, ku 22% e fëmijëve janë mbipeshë dhe afro 8% janë obezë.
