Familjarët e një fëmije të sëmurë kanë dhunuar mbrëmjen e së enjtes mjekun pediatër të spitalit rajonal të Shkodres, Skender Duka. Ata i janë drejtuar me urgjencë pediatrisë për shtrimin e fëmijës së sëmurë, por mjeku pasi ka kryer ekzaminimin e tij, ka vendosur uljen e tij në repartin e kirurgjisë. Kjo ka irrituar familjarët dhe mësohet se në debat e sipër babai i të miturit ka goditur mjekun. Ky i fundit ka bërë kallëzim në polici për ngjarjen, ndërsa në prononcimin për media shefia e pediatrisë së spitalit rajonal Shkoder, Greta Naraçi sqaron rrethanat e ngjarjes.
Prindi për ne gjithmonë ka të drejtë, por mjekia Naraçi shton se të tilla situata për bluzat e bardha po kthehen në shqetësim.
Pasi kanë bërë deponimin në polici, palët kanë firmosur një marrëveshje pajtimi.
