Ashtu si në të gjithë vendin edhe në Shkoder mësuesit e sistemit parauniversitar i janë nënshtruar një trajnimi mbi “Luftën kundër trafikimit të qënieve njerezore”. Nisma e ministrisë së brendshme dhe asaj të arsimit vjen për të rritur efikasitetin në shkollat e vendit mbi këtë fenomen, mjaft i përhapur vitet e fundit. Pas trajnimit që ka zgjatur disa muaj, zv/ministrja Nora Malaj zgjodhi t’u shpërndajë personalisht mesuesve të Shkodres, diplomat përkatese.
Lufta ndaj këtij fenomeni ka marrë te tjera përmasa, prandaj nevojitet ky kualifikim që është zgjedhur të përkthehet edhe me ndërhyrjet e nevojshme në kurrikulën e re arsimore.
Zv/ministrja Malaj zgjodhi që në fund ta mbyllë takimin me një mesazh për të gjithë mësuesit që roli i tyre tek të rinjtë të jetë jo vetëm edukues, por edhe bashkëpunues për të kapercyer situatat problematike.
