Zgjedhjen e Ilir Metës në krye të shtetit e cilëson si një hap të madh që do t’i shërbeje stabilitetit politik dhe institucional. Nga studio e tv1 channel, deputeti i lëvizjes vetevendosje në Kosovë Rexhep Selimi e sheh në këtë këndvështrim figurën e ish kreut të levizjes socialiste për Integrim, aktualisht kryetar i kuvendit.
Kriza politike që po kalon vendi, ndikon në të gjithë trojet shqiptare shton deputeti Selimi, i cili argumenton se një Shqipëri e fortë, i bën të gjithë Shqiptarët të tillë.
Moszgjidhja e çeshtjes së Shqiptarëve është faktori kyç që po ndikon në një situatë të tensionuar në të gjithë rajonin, si në Kosovë, Mal të Zi, e Maqedoni. Ai argumenton edhe qëndrimin kundër të mbajtur për çeshtjen e demarkacionit mes Kosovës dhe Malit të Zi.
Me nota kritike deputeti i lëvizjes vetevendosje komentoi zhvillimet në Kosovë, duke vënë theksin se ka ardhur koha që vendi të shkojë në zgjedhje të parakohshme, pasi situata në këtë shtet nuk është aspak optimiste.
