DEKLARATE PER MEDIA E ZEDHENESES SE PD SHKODER JESMINA LICI PER NDERPRERJEN E ENERGJISE ELEKTRIKE TE TV ROZAFA!
“Të nderuar bashkëqytetarë !
Partia Demokratike, dega Shkodër , del sot para jush për të denoncuar një ngjarje të rëndës, që ka ndodhur një ditë më parë, ndërprerjen e furnizimi me energji elekrike nga ana e OSHEE-së, të TV Rozafa.
Një veprim I tillë , jo vetëm që është I paprecedent dhe absurd, por kemi arsye të forta të besojmë se ai kaa prapavijë politike dhe se është bërë me urdhër nga kryesuesi I listës së PS-së për Shkodren, Ditmir Bushati
PD, Dega Shkodër e dënon me forcë këtë veprim të OSHEE-së , veprim I cili synon “mbytjen” e zërit të lire, të mediave të pavarura politikisht.
I kujtojmë Z.Bushati që duhet të heqë dorë sa më parë nga veprime të tilla, nëpërmjet shantazheve dhe sulmeve politike, të cilat tentojën të mbyllin zërin e mediave të lira dhe demokratike
I kërkojmë drejtuesve më të lartë të OSHE-së në qendër që të marrin masa të menjëhershme për vënien para përgjegjësisë zbatuesve të këtij urdhëri me prapavijë politike, të cilët nuk bëjnë asgjë tjetër, vetëm se janë vënë në dispozicion të Partisë Socialiste duke u kthyer në shantazhues dhe gjobëvënës ndaj medias dhe fjalës së lirë.
Bëjmë me dije se PD, do të jetë gjithmonë e rreshtuar përkrah të gjithë atyre mediave, që nëpërmjet fjalës së lirë, realizojnë qëllimin që ato I kanë vënë vehtes , ate të informimit të opinionit publik mbi fakte dhe ngjarje reale” .
