Ka vendosur të jetë në krye të pankinës Shkodrane për një tjetër sezon, ndonëse e ardhmja e Vllaznisë ende është e turbullt. Armando Cungu nuk do ta ketë të lehtë të krijojë ekipin që ai dëshiron për sezonin futbollistik 2017 – 2018, por do të bëjë gjithçka që kuqeblutë të mos notojnë në ujra të turbullta ku në diskutim vihet prej 5 vitesh mbijetesa. Në një puntate speciale në emisionin “Sport shoë”, për 90 minuta trajneri i Vllaznisë ishte përballë gazetareve sportiv Shkodranë, duke analizuar sezonin që lamë pas, analizën e klubit që pritet të zhvillohet këto ditë, por edhe të ardhmen sa i përket financave dhe lojtareve që mund të vishen kuqeblu.
Interesi i publikut ka qënë tejet i lartë mbrëmjen e së henës, ç’ka e treguan qindra mesazhe, e komente në rrjetet sociale, të gjithë të mbërthyer në ekranin e tv1 channel, pasi e ardhmja e Vllaznisë lidhet drejtëpërdrejtë me pasionin dhe dëshirën që një qytet i tërë ka për ta parë në majat e futbollit sërish Vllazninë.
