TIRANE– Kreu i Grupit Parlamentar të Lëvizjes Socialiste për Integrim, Petrit Vasili ka reaguar pas publimit të raportit të Qendrës Europiane të Drogave. Përmes një postimi në rrjetin social “Facebook”, Vasili shkruan se “Shqipëria është në qendër të trafikut ndërkombëtar të drogës dhe situata është tejet kritike”.
Duke iu referuar shkarkimeve kolektive nga puna në administratë, Vasili shtron pyetjen nëse kryeministrin “do ta shkarkojë veten dhe drejtuesit e policisë nga detyra”.
POSTIMI I PLOTE
Qendra Europiane e Drogave raporton që Shqipëria është në qendër të trafikut ndërkombëtar të drogës dhe situata është tejet kritike.
Kryeministri i Shqipërisë është përgjegjësi kryesor, së bashku me policinë që është nën hyqmin e tij.
Meqënëse kryeministri ka filluar shkarkimet kolektive, a do ta shkarkojë veten dhe drejtuesit e policisë?
Apo Edhe për drogën, që po shkaterron vendin, ai s’ka asnjë faj e fajin edhe për këtë e kanë drejtorët e spitaleve?!