Kanë mbetur diçka më shumë se 24 orë nga përballja e nesërme e kombëtares shqiptare me Maqedoninë dhe në konferencën për shtyp para sfidës, trajneri kuqezi Christian Panucci, është shprehur se në këtë përballje kërkon vetëm fitoren.
Trajneri Panucci ka konfirmuar një lajm të mirë për kombëtaren para përballjes në Maqedoni. Italiani në konferencën për shtyp është shprehur se në këtë sfidë do të kenë në dispozicion shërbimet e sulmuesit të vetëm Armando Sadikut.
“Po, në sidën e nesërme Sadiku do të jetë i gatshëm. Ai do të luajë kundër Maqedonisë.”
Kujtojmë që përballja mes Maqedonisë dhe Shqipërisë e vlefshme për kualifikueset e Botërorit “Rusi 2018” do të luhet nesër në Strumicë në orën 20:45.
