Sunday, February 5, 2023
HomeAktualitetDrejtoresha e “Zërit të Amerikës” shkon në zyrën e Metës, zbardhet biseda

Drejtoresha e “Zërit të Amerikës” shkon në zyrën e Metës, zbardhet biseda

-

Presidenti i Republikës, Ilir Meta priti sot Drejtoreshën e “Zërit të Amerikës” (VOA), znj. Amanda Bennett.

 

Presidenti Meta shprehu kënaqësinë që për herë të parë pas 75 vitesh, Shqipërinë po e viziton Drejtoresha e “Zërit të Amerikës”, znj.Bennett.

Meta-dr e VOA (1)

Presidenti Meta vlerësoi lart kontributin e “Zërit të Amerikës” për të mbajtur gjallë shpresat për liri e demokraci edhe në periudhën më të errët të izolimit komunist të Shqipërisë.

Në veçanti Presidenti Meta u ndal në frymëzimin që “Zëri i Amerikës” dha për proceset demokratizuese dhe integruese të Shqipërisë.

Presidenti Meta theksoi se “Zëri i Amerikës” ka shërbyer dhe mbetet si urë e rëndësishme lidhëse në marrëdhëniet e Shqipërisë me Shtetet e Bashkuara të Amerikës.

Presidenti Meta dhe znj. Bennett diskutuan mbi zhvillimin e mediave në Shqipëri dhe më gjerë, për ndryshimet e panoramës mediatike dhe sfidat me të cilat ndeshen mediat në ditët e sotme.

Presidenti Meta theksoi rëndësinë që ka bashkëpunimi i mediave lokale në gjuhën shqipe me “Zërin e Amerikës”, si një media e lirë dhe profesionale.

Drejtoresha Bennett ndër të tjera tha se, misioni i “Zërit të Amerikës” nuk ka ndryshuar që nga dita e transmetimit të parë, para 75 vitesh – të tregojë të vërtetën, të jetë i saktë dhe i balancuar dhe të njohë audiencat me Amerikën.

 

Related articles

Stay Connected

0FansLike
0FollowersFollow
3,696FollowersFollow
3,572SubscribersSubscribe
spot_img

Latest posts