Janë publikuar emrat e të gjithë kryetarëve dhe anëtarëve të delegacioneve të grupeve të miqësisë për legjislaturën e re.

Emrat e përcaktuar nga Kuvendi, luajnë rol në intensifikimin e marrëdhënieve të vendit tonë me shtetet e tjera.

Kryetar i delegacionit të grupit të miqësisë Shqipëri-SHBA do të jetë Ervin Bushati, Vangjel Dule për Rusinë, Saimir Tahiri për Mbretërinë e Bashkuar, për Kinën Bashkim Fino, Mimi Kodheli për grupin me Italinë, Taulant Balla për grupin e miqësisë me Gjermaninë, shkruan shqiptarja.com.

Për Ukrainën është Fidel Ylli, për Zvicrën Eglantina Gjermeni, për Suedinë Klotilda Bushka, për Turqinë Ilir Beqaj, për Serbinë Petrit Vasili, Edmond Leka për Spanjën, Arben Pëllumbi për Slloveninë, Albana Vokshi për Sllovakinë.