Shkatërrimi i Lumit Vjosa është një temë mjaft e diskutuar që ka shkaktuar tensione e debate të vazhdueshme së fundmi. Aktivisti i mbrojtjes së mjedisit Arlind Kote me anë të një postimi ka zbuluar emrin e kompanisë që po shkatërron Lumin Vjosa, e sipas tij është “Hari Lena”.
Më tej Kote thekson se policia shkoi së bashku me INUV dhe “arrestuan” tubat pasi njerëz nuk gjetën. “Pas denoncimit të djeshëm në rrjete sociale për shkatërrimin e lumit Vjosja nga firma “Hari Lena”, mediat e pasqyruan si rast, sot shkoi INUV së bashku me Policinë e Shtetit dhe “arrestoi” tubat se persona nuk ka gjetur dhe ska ndaluar asnjë, si përherë në drejtim të paditur për policinë tonë të ditur, por me shqetësuese është fakti që sot mediat e kanë hequr si lajm, kjo është çmënduri e rradhës, skemi më as media… Beteja vazhdon, VJOSA nuk preket”, tha Kote.
