Sunday, January 29, 2023
HomeAktualitetSistemi i burgjeve të Holandës, aty ku të dënuarit i mbajnë vetë...

Sistemi i burgjeve të Holandës, aty ku të dënuarit i mbajnë vetë çelësat e qelive të tyre

-

Duket si një lojë “Monopoly” ku falë letrës “Je i lirë të dalësh nga burgu” mund të largohesh nga qelia, por në fakt në Holandë kjo është diçka që ndodh në jetën reale. Për të qenë më të saktë, të burgosurit në Holandë nuk e kanë këtë mundësi kaq të mirë, megjithatë kanë më shumë liri se të burgosurit e vendeve të tjera. Atëherë për çfarë bëhet fjalë?!

 Autoritetet holandeze, më konkretisht Shërbimi i Institucioneve Gjyqësore (DJI), ka vënë në zbatim një program që përfshin dhjetëra mijëra të burgosur të ‘kyçur’ në 19 burgje. Një nga aktivitetet që i mban të zënë rojet e burgut gjatë gjithë ditës, është hapja e mbyllja e dyerve të qelive të ashtuquajtura individuale, sepse gjithmonë është dikush që kërkon të shkojë diku, të jetë pjesë e një klase mësimi apo të kryejë një aktivitet. Në fakt, aq shumë i merr nga koha e tyre ky proces rojeve të burgut, sa që e kanë të pamundur të merren me çështje më të rëndësishme, si mbajtja e burgut në siguri e qetësi të plotë.

Për të rregulluar këtë problem, DJI vendosi të bëjë çelësa për të burgosurit të cilët mund të hyrë e dalë vetë nga qelia. Në këtë mënyrë ata gjithashtu do të sigurohen që askush të mos vjedhë posedimet e vogla që ata kanë.

E besoni apo jo, të burgosurit i qëndrojnë zbatimit të ligjit brenda burgut më shumë nga sa ju mendoni. Sigurisht, që në fillim një proces i tillë është eksperimentuar dhe u vu në zbatim pasi u pa që incidentet që ndodhën ishin shumë të pakta. Duket se të burgosurit janë të kënaqur me “lirinë” e tyre të sapokrijuar.

Rezultati

Deri më tani, eksperimenti ka rezultuar i suksesshëm, rojet ndjejnë më pak presion dhe janë më vigjilentë e po ashtu edhe të burgosurit ndjejnë më shumë liri dhe përgjegjësi, duke qenë më pak të dyshimtë për vjedhjet mes tyre. Pavarësisht disa përpjekjeve sabotuese, gjërat kanë shkuar mirë për sistemin liberal të burgjeve holandeze. Në tërësi, sistemi i burgjeve hollandeze ka parë disa ndryshime të rëndësishme gjatë viteve të fundit.

(Përshtati në shqip: Endri Farka/BalkanWeb)

Related articles

Stay Connected

0FansLike
0FollowersFollow
3,674FollowersFollow
3,572SubscribersSubscribe
spot_img

Latest posts