Policia italiane ka publikuar fotot e disa prej 11 pjesëtarve të bandës italo-shqiptare në Katania të cilët akuzohen për trafik ndërkombëtar droge dhe armësh. Ndër këta 11 persona, janë arrestuar 7 vetë, 4 italianë dhe 3 shqiptarë, konkretisht shqiptarët Moisi Habilaj, Maridian Sulaj dhe Fatmir Minaj.
Mediat italiane bëjnë të ditur se vitet e fundit banda kishte transportuar nga Shqipëria në Itali rreth 3.5 ton marijuanë, e cila në disa raste është sekuestruar gjatë dërgesave.
Në veçanti, organizata kriminale, e cila dispononte armë e municione të tipit Kallashnikov, kishte fituar kontrollin mbi importin nga Shqipëria të sasive të mëdha të marijuanës, të cilat përdoreshin më pas për të furnizuar sheshet e Katanias në provincat e Raguzës dhe Sirakuzës, duke arritur një qarkullim që kapte vlerën e 20 milionë eurove.
