Në qytetin e Lezhës është hapur qendra e parë komunitare për fëmijët në nevojë. Nënkryetarja e Bashkisë, Alfrida Marku thotë se ngritja e kësaj qendre komunitare përbën një risi, ndërsa u zotua se ajo nuk do të jetë e vetmja.
Alfrida Marku: “Do të ofrohen shërbime që kanë në fokus mbrojtjen e fëmijëve dhe edukimin e tyre, si edhe edukimin familjar. Unë besoj dhe shumë shpejt kjo qendër komunitare nuk do të jetë e vetmja pasi shumë shpejt do të vihet në funksion qendra komunitare multifunksionale në lagjen ‘Skënderbeg’ e cila ka në fokus problematikat e shumta sociale që ka komuniteti rom dhe egjiptian.”
Qendra komunitare në Lezhë do të qëndrojë e hapur çdo ditë dhe në shërbim të fëmijëve do të jenë 5 punonjës sociale. Në fokus të veprimtarisë do të jetë mbrojtja dhe edukimi i fëmijëve për qenë të barabarte në shoqëri.