Ish-ministri i Brendshëm, Saimir Tahiri për të cilin Prokuroria e Përgjithshme kërkon arrestimin, ka dalë prej disa orësh nga banesa e tij, fill pasi takoi Presidentin e Partizanit, Gaz Demi, por para pallatit ku jeton ka zhvillime të reja.
Simpatizantë të shumtë janë mbledhur para pallatit ku ndodhet banesa e ish-ministrit të Brendshëm në kompleksin “Kodra e Diellit” në kryeqytet dhe presin nga momenti në moment që ai të mbërrijë aty.
Asnjëri prej simpatizantëve nuk pranon të flasë për mediat, por jashtë kamerave konfirmojnë se janë aty për t’i dhënë zemër ish-ministrit socialist që po kalon ndoshta çastet më të vështuira në jetën e tij.