Titaniku është ndoshta anija më e famshme ndonjëherë që ka lundruar dhe pa dyshim më e famshmja që është mbytur. Të paktën 1,496 persona humbën jetën në natën kur ajo u mbyt, një numër i madh, por jo humbja më e madhe e jetës në det.
Pavarësisht nga shkalla e tragjedisë së Titanikut, legjenda e anijes së ndërtuar nga Belfast nuk është venitur kurrë.
Ideja më e fundit e biznesit për ta përdorur këtë si magjepsje globale është The Titanik: Ora e Fundit.
Loja Titanik me temë “shpëtimi” është vendosur të vijë në Belfast. Kjo lojë paraqet ekipe dhe ju jep lojtarëve një orë kohë që të përpiqen t’i shpëtojnë goditjes. Belfast Telegraph raporton se kompania që dha idenë, Timescape, pohon se ata “kanë treguar shumë kujdes që të jenë të respektueshëm ndaj atyre që humbën jetën”.
Me kalimin e kohës, Titaniku bëhet edhe më i famshëm dhe një burim edhe më i madh të ardhurash. Një zonë e Belfast tani ka marrë emrin Titanic Quarter dhe qyteti tani po pret Titanik Belfast, një qendër vizitorësh që u bë atraksioni kryesor turistik në botë në vitin 2016.
Titanic Belfast është hapur në vitin 2012 me një kosto prej 87 milion euro dhe deri në shtator të këtij viti është vizituar nga katër milionë njerëz.
Një raport nga firma e shërbimeve profesionale, Deloitte, bazuar në periudhën nga prilli 2012 deri në mars 2015, zbuloi se Titanik Belfast gjeneroi 118 milionë euro në shpenzimet shtesë të turizmit për ekonominë e Irlandës së Veriut në tre vitet e para të saj, duke mbështetur 893 vende pune në ekonominë e gjerë.
Çmimi për një të rritur që të vizitojë Titanik Belfast është 18 paund dhe përfshin ekspozita dhe mundësinë për të vizituar NS Nomadic, anijet origjinale të tenderit të Titanikut.
Ndërsa një familje me dy të rritur dhe dy fëmijëve mund të futen me 44 paund. Politika e qendrës nuk është të përfshijë artefaktet nga rrënojat e Titanikut për arsye etike, por përmban shumë objekte origjinale të Titanic dhe White Star Line.