Gjykata e Elbasanit ka lënë në burg të riun biznesmen, që u kap me një shumë prej më shumë se 800 mijë eurosh cash si dhe dy patenta të ish-ministrit të Brendshëm Saimir Tahiri për mjete lundrimi dhe një të bashkëshortes së tij.
Sot 25-vjeçari O.S. i arrestuar në fshatin Balldre të Elbasanit pasi nuk i kishte ndaluar policisë ka dalë para Gjykatës për t’u njohur me masën e sigurisë. Gjykata e ka quajtur të vlefshëm arrestimin e tij, duke dhënë masën ‘arrest me burg’ për të.