Ndaj Turqisë këtë të hënë është vetëm ndeshje miqësore, por impenjimi në Antalia, ku është grumbulluar Kombëtarja, duket tejet i madh.
Nga Turqia, duket se do të nisë një erë e re në Kombëtaren kuqezi nën drejtimin e trajnerit Christian Panucci. Italiani po kërkon të njohë sa më shumë grupin që ka në dispozicion, edhe pse koha nuk është e madhe.
Kombëtarja është duke vazhduar me dy seanca stërvitore dhe pritet që ndaj Turqisë të kemi një Kombëtare të ndryshuar krahasim me atë që kemi parë në eliminatoret e Botërorit, të cilat i mbyllëm në vendin e tretë në grup.