Kreu i Grupit Parlamentar të Partisë Socialiste Taulant Balla, ka zhvilluar sot një takim me kreun e Institutit Demokratik amerikan Robert Benjamin. Sipas deputetit Balla, Shqipëria prej 15 vitesh ka pasur një bashkëpunim të ngushtë me këtë institut dhe vlerëson asistencën dhe këshillin e ekspertëve.
Ndër të tjera Balla shkruan se: “Në takimin e zhvilluar me drejtuesit e lartë të Institutit Demokratik u vlerësua fakti që Partia Socialiste ka standardin më të lartë të transparencës financiare në Shqipëri, bazuar në një strukturë auditimi tërësisht të pavarur dhe profesionale”.
Postimi në Facebook
Në cilësinë e Sekretarit të Përgjithshëm të Partisë Socialiste pata kënaqësinë të prisja në një takim Drejtorin për Europën Qendrore dhe Lindore të Institutit Demokratik amerikan NDI zotin Robert Benjamin dhe Drejtorin e Programeve të Partive Politike të NDI në Washington zotin Ivan Doherty.
Partia Socialiste e Shqipërisë prej 15 vitesh ka një bashkëpunim shumë të ngushtë me Institutin Demokratik amerikan dhe ne vlerësojmë maksimalisht asistencën dhe këshillimin e ekspertëve të NDI në përgatitjen e drejtuesve të rinj dhe në rritjen e transparencës së financimit të partive politike.
Në takimin e zhvilluar me drejtuesit e lartë të Institutit Demokratik u vlerësua fakti që Partia Socialiste ka standardin më të lartë të transparencës financiare në Shqipëri, bazuar në një strukturë auditimi tërësisht të pavarur dhe profesionale.
Shumë shpejt një delegacion i Partisë Socialiste do të vizitojë zyrat qëndrore të Institutit Demokratik amerikan në Washington për të diskutuar dhe nënshkruar një Memorandum Bashkëpunimi mes PS dhe NDI.