Kreu i LIBRA-s, Ben Blushi ka kujtuar sot 8 Dhjetorin, si një nga të rinjtë e Lëvizjes Studentore të dhjetorit.
Në një mesazh në faqen e tij të ‘Facebook’-ut Blushi ka postuar një foto ku shihet me bashkëmoshatarët e tij të asaj kohe, Blendi Fevziun, Dritan Islamin, Pirro Thanasin, si dhe Enin dhe Noelën. Ai shkruan se shumë ishin pjesë e asaj lëvizje, ndërsa sot kanë ngelur më pak.
“27 VJET MË VONË
Në 8 Dhjetor 1990 u nisëm shumë. Sot 27 vjet më vonë jemi më pak dhe ende nuk kemi mbërritur. Gëzuar të gjithëve!”, citohet në mesazhin e Blushit.