Përmes një aktiviteti të larmishëm ku nuk munguan animacionet, këngët dhe vallet, “Oratori don Bosko” në Shkoder ka festuar 8 dhjetorin, përvjetorin e 176-te te themelimit të tij.
Një atmosferë e veçantë është dhuruar për fëmijët Shkodranë në pedonalen “Kolë Idromeno”, ndërsa drejtuesi i kësaj qendre rinore don Bledar Huba shpjegon hapat e parë të kësaj date të shënuar për mbarë komunitetin salezian. Ai thotë se besimi tek rinia, i shërben të tashmes dhe të ardhmes.
Shoqata Saleziane e Don Boskos mbërriti në Shqipëri, fillimisht në Shkodër, në shtator të vitit 1992 dhe më pas në Tiranë dhe këtë vit festoi 25 vjetorin e prezencës së saj në vendin tonë. Vit pas viti janë zhvilluar aktivitetet e Qendrës me të vetmin qëllim: për të trajnuar dhe për të edukuar të rinjtë, fëmijët dhe adoleshentët, me vëmendje të veçantë për grupet vulnerabël, për t’i rritur si qytetarë të ndershëm dhe besimtarë të mirë.