ISSH ka nisur prej kësaj të premte ndarjen e shpërblimeve të fundit të vitit për pensionistët.
Në të gjitha pikat e Postës përfituesit kanë tërhequr shumën prej tre mijë lekësh të dhënë nga qeveria shqiptare.
Pensionistet shprehen të pakënaqur me shumën, teksa zgjedhin ironinë për të reaguar.
Pensionistë: Çfarë do bësh me 30 mijë lekë? Gjysmë pule.
Çfarë t’i bëjmë qeverisë! Drejt me thënë pak është. Populli nuk lëviz.
Të moshuarit ankohen për nivelet e pensioneve por falënderojnë fëmijët për mbështetjen financiare që I japin për të përballuar jetesën
Pensionistë: Vështirë e kemi.
-Shumë vështirë. 37 vite punë 150 mijë lekë marrë. Më ndihmon vajza.
Nga shpërblimet do të përfitojnë rreth 650 mijë pensionistë.
Krahasuar me një vit më parë shpërblimet prekin gjysmën e shumës, kur të gjithë pensionistët u shpërblyen me 6 mijë lekë për festat e fundvitit.
Tërheqja e Shpërblimeve do të vazhdojë sipas datave që merret pensioni mujor.