Prokuroria e Katanis ka mbyllur hetimet për çështjen “Habilaj”, ndërkohë që sipas mediave italiane nuk përmendet emri i ish-ministrit të Brendshëm Saimir Tahiri.
Në listën e personave në hetim janë përfshirë 15 persona, ku mes tyre është edhe Moisi Habilaj, i cili akuzohet si kreu i grupit të trafikantëve të drogës. oisi Habilaj njihet jo vetëm si kreu i bandës së trafikut të drogës, por edhe si kushëriri i ish-ministrit të Brendshëm, Saimir Tahiri, raporton Meridionews.it
Gazeta italiane shkruan se të vetmit shqiptarë që janë pjesë e hetimeve përfundimtare përveç Moisi Habilajt janë Maridian Sulaj dhe Fatmir Minaj. I pari ndodhet në burgun e Piazza Lanza, ndërsa Minaj do të presë ecurinë e çështjes gjyqësore në liri.
Rol të rëndësishëm në këtë grup kanë pasur dhe tre italianët Antonino Riela, VincenzoSpampinato e Angelo Busacca. Tashmë pas mbylljes së hetimit dosja shkon në gjykim.