Një plagosje me armë zjarri ka ndodhur ditën e sotme në qytetin e Lezhës. Plagosja ka ndodhur në lagjen “Gurra” pranë një lokali.
Policia ka shkuar menjëherë në vendngjarje për kapjen e autorit dhe zbardhjen e situatës.
Ende nuk dihen shkaqet që ndodhi plagosja. I plagosuri Vilson Zefi, 32 vjeç, është dërguar në spital teksa mësohet se është jashtë rrezikut për jeten.
Personi që u qëllua ka qenë brenda një mjeti fuoristrade ndërkohë që ishte i parkuar.
Njoftimi i policisë
Më datë 03.01.2018, rreth orës 12:00, është marrë njoftim nga urgjenca e Spitalit se është sjellë një shtetas i plagosur me armë zjarri, jashtë rrezikut për jetën. Menjëherë në vendngjarje kanë mbërritur shërbimet policore ku kanë konstatuar se në Lezhë në afërsi të Lagjes “Gurra”, shtetasi A.P., dyshohet se ka plagosur në këmbë me armë zjarri tip pistoletë shtetasi Vilson Zefi. 32 vjeç, banues në Lezhë. Grupi hetimor në vendngjarje po punon për zbardhjen e plotë të rrethanave të ngjarjes. Janë ngritur pika kontrolli si dhe po bëhet krehja e zonës me qëllim kapjen e autorit