Blutë e Shkodres ende se kanë një të ndaluar për sulmin me tritol që tronditi mengjesin e së shtunës këtë qytet, duke lënë të plagosur 8 persona, 3 prej të cileve në gjendje të rendë. Deri më tani në komisariatin e policisë janë shoqëruar vetëm dëshmitarë në vendngjarje, që janë marrë në pyetje mbi momentin e shpërthimit, por të gjithë më pas janë të lënë të lire, pasi nuk rezultonin në listën e të dyshuarve.
Ajo që për policinë e Shkodres pritet të jetë ndihma më e madhe në zbardhjen e ngjarjes dhe identifikimin e autoreve, janë pamjet e sigurisë të disa objekteve përreth godinës ku ndodhi shpërthimi. Ekspertët po bëjnë kçyrjen e imtësishme të tyre, ndërsa paralelisht po verifikohen të gjitha telefonatat e bëra në këtë zonë në orarin që përkon me shpërthimin.
Tabulatet mund të jenë ndihmë shtesë, pasi shpërthimi i telekomanduar mund të ketë ardhur nga një numer i regjistruar, edhe pse egziston rreziku i kundërt, që edhe këtë herë të jetë përdorur një numër i blerë në tregun e zi. Hetime ka edhe për pronësine e motorçikletës ku u vendos tritoli dhe pritet të identifikohet nga pamjet personi që e ka vendosur në hyrje të godinës dhe afër mjetit që është në pronësi të të plagosurit.
Për të mbështetur hetimin prej ditës së shtunë në Shkodër u vendos një grup i specializuar nga Drejtoria e Përgjithshme e Policisë së Shtetit, ndërsa në mbrëmje qëndroi edhe drejtori i Komanduar Rebani Jaupaj. Ai mësohet se gjatë takimit me krerët lokal të Shkodres ka dhënë porosi të prera për ta hetuar në detaje ngjarjen, e për të vënë para përgjegjesisë autorët, pasi kemi të bëjmë me një akt kriminal që mund të kishte rezultuar me pasoja shumë herë më të rënda.
Dyshimet e para të policisë e ku është përqëndruar hetimi kryesor, ka të bëjë me të plagosurin Lulzim Kullaj, një person i skeduar më herët nga uniformat blu. 42 vjeçari dyshohet se ka qënë objektiv i atentatit bëjnë me dije burime policore. Ai aktualisht ndodhet në gjendje të rëndë në spitalin e Traumës në Tiranë ku po merr mjekim të specializuar.
Të plagosurit e tjerë që ishin në spitalin e Shkodres, kanë lënë këto mjedise pasi plagët e marra kanë qënë të lehta. Ndërkohë në zonën ku ndodhi atentati, sot situata ka ndryshuar dhe ka nisur rikthimi i normalitetit, ndonëse fryma e frikës është prezente!