Komisioni Europian është institucioni i cili ka pritshëmritë më të larta për ecurinë ekonomike të Shqipërisë. Në një raport të fundit ku analizohen ekonomitë e vendeve që aspirojnë për anëtarësim në BE vihet re se Komisioni Europian parashikon një rritje të ekonomisë shqiptare prej 3.8% këtë vit, nën projeksionet e qeverisë shqiptare por mbi pritshmëritë e FMN dhe Bankës Botërore
Komisioni Europian ka parashikuar me rritje ecurinë ekonomike të Shqipërisë për dy vitet e ardhshme. Në raportin e fundit ku analizohet ecuria ekonomike e vendeve të cilat aspirojnë për anëtarësimin në Bashkimin Europian projeksionet për rritjen ekonomike të Shqipërisë janë 3.8 për këtë vit dhe 4.2% për 2019.
Pritshmëritë e Komisionit Europian janë shumë pranë pritshmërive të qeverisë ndërsa janë larg parashikimeve të Fondit Monetar Ndërkombëtar dhe Bankës Botërore të cilët kanë parashikime më pesimiste.
Projeksionet e KE janë 0.7 pikë përqindje mbi ato të Bankës Botërorei cili është institucioni më pesimist në lidhje me pritshmëritë për rritjen e ekonomike të Shqipërisë çka lidhet direkt me përfundimin e investimeve të huaja në vend.
Në raportin e KE-së thuhet se pritshmëritë janë që qeveria të rrisë elasticitetin dhe konkurrueshmërinë e ekonomisë duke forcuar sistemin financiar dhe duke ruajtur disiplinën fiskale.Pavarësisht pritshmërive pozitive Komisioni Europian thekson se e ekonomia shqiptare u ngadalësua në tremujorin e tretë të vitit në Shqipëri.
Ndër të tjera në raport theksohet se kreditimi për ekonominë vazhdon të jetë i dobët pavarësisht se niveli i huave me probleme është ulur ndjeshëm. Sipas projeksioneve të komisionit Europian rezulton se, ekonomia shqiptare, parashikohet të ketë rritjen më të shpejtë në rajon.
Rritja ekonomike
2018 2019
QEVERIA 4.2% 4.3%
KE 3.8% 4.2%
FMN 3.7% 3.8%
BB 3.6 % 3.5%