Ditën e djeshme, kryeqyteti u trondit nga një krim pasioni.
23-vjeçari, student i Infermierisë Aldison Belulaj vrau studenten 21 vjeçare të Drejtësisë, Ariela Murati.
Ngjarja ndodhi përpara fakultetit të Mjekësisë ndërsa i gjithë stafi i pedagogëve të Universitetit dhe miqtë e Arielës janë të tronditur nga ngjarja.
Ariela ishte studente e ekselencës në vitin e tretë të Drejtësisë dhe disa ditë më parë kishte marrë lajmin e shumëpritur për fitimin e bursës.
21-vjeçarja kishte mundur ta fitonte të plotë bursën falë rezultateve të shkëlqyera dhe përkushtimit të jashtëzakonshëm të saj në degën të cilën e donte aq shumë.
Sot, 21 vjeçarja do të përcillet në banesën e fundit, përmes ceremonisë mortore që do zhvillohet në orë 13:00 në fshatin Zharrëz.