Kuvendi nuk arriti të miratonte as në seancën e sotme listën për anëtarët e Këshillit të Lartë të Prokurorisë dhe Këshillit të Lartë Gjyqësor.
Ambasadori amerikan Donald Lu deklaroi se politika shqiptare dështoi sërish duke mos miratuar listën, por thekson se “ka besim më shumë tek përzgjedhja rastërore”.
Në një reagim në Facebook, ambasadori thotë se politikanët nga e majta dhe nga e djathta kanë frikë nga reforma në drejtësi.
Pas dështimit të raundit të tretë të votimit në Parlament, tashmë anëtarët e KLGj-së dhe KLP-së do të përzgjidhen në mënyrë rastërore me gogla.