Kreu i Partisë Demokratike, Lulzim Basha, ka folur për herë të parë për debatin e gjerë të hapur prej kohësh lidhur marrëveshjet me Greqinë, ku pala greke thekson se Shqipëria i ka lejuar shtrirjen me 12 milje në det.
Basha ka thyer më në fund heshtjen, duke folur për këtë çështje të nxehtë. Në një dalje për media pas mbledhjes së grupit parlamentar të PD, Basha paralajmëroi se nëse pretendimet e grekëve rezultojnë të vërteta, askush nuk do t’i shpëtojë përgjegjësisë.
“Nëse rezultojnë të vërteta pretendimet e grekëve askush nuk do t’i shpëtojë përgjegjësisë. Do t’i shkojmë deri në fund hetimit”, tha Basha.