Zëvendëskryeministri i Kosovës, Fatmir Limaj ka konfirmuar lajmin se presidenti i Shqipërisë, Ilir Meta ka ndihmuar në arritjen e aneks marrëveshjes për demarkacion me Malin e Zi.
Në një prononcim të shkurtër për Indeksonline, Limaj ka thënë se presidenti i Shqipërisë, ka qenë i angazhuar dhe ka ndihmuar në arritjen e marrëveshjes se prezantuar.
Limaj ka qenë iniciator dhe propozues i nënshkrimit të marrëveshjes. Ditë më parë ai kishte vizituar Malin e Zi dhe ia kishte prezantuar drejtuesve malazez këtë opsion i cili ka gjetur përkrahje në shtetin fqinjë.