Miratohet në parim në Komisionin e Ligjeve Vettingu në Polici.
Mësohet se të gjithë anëtarët e komisionit kanë votuar pro këtij projektligji, pavarësisht debatit.
Ditën e sotme u bë prezantimi me detaje nga ministri i Brendshëm Fatmir Xhafaj i projektligjit “Për vlerësimin kalimtar të punonjësve të Policisë së Shtetit, Gardës së Republikës dhe SHÇBA-së, në Ministrinë e Brendshme (Vetting-u)” në Komisionin për Sigurinë Kombëtare ku deputetë të opozitës shtruan një mori pyetjesh të cilave u dha përgjigje Xhafaj.
Pas kësaj seance, mesa duket, të gjithë aktorët e politikës janë bërë bashkë për këtë moment kaq të rëndësishëm.