Shkatërrohet një tjetër grup kriminal që përgatiste mina me telekomandë. Finalizimi i operacionit të koduar “GOES ON” nga policia e Lezhës ka çuar në pranga dy persona, ndërsa janë shpallur në kërkim dy bashkëpunëtorët e tyre.
Të arrestuarit janë Artur Popa 46 vjeç, lindur në Kukës dhe banues në Valias, Kamëz, (i dënuar më parë) dhe Valtor Cala 30 vjeç, lindur dhe banues në Tiranë.
Ndërkohë për dy personat e shpallur në kërkim nuk jepen të tjera të dhëna për shkak të hetimit.
Dy personat u arrestuan në hyrje të Lezhës me tre mina me telekomandë
Finalizimi i operacionit erdhi pas një pune disa javore hetimore. Siç bën me dije shtetasi, Artur Popa, me automjetin e tij me targë AA 811 GF , i shoqëruar nga automjeti tjetër me targë AA 733 DM, që drejtohej nga shtetasi Valtor Cala, transportonte 3 mina me telekomandë ku në hyrje të qytetit të Lezhës.
Në atë moment shërbimet e Policisë kanë ndërhyrë duke kapur në flagrancë të dy shtetasit e lartpërmendur.
Gjithashtu gjatë kontrollit shtetasit Artur Popa ju gjet dhe një sasi prej 55 gramë lëndë narkotike e llojit cannabis sativa e ngjashme me atë të vajit të hashashit.
Në cilësinë e provës materiale u sekuestruan
-3 mina me telekomandë të pajisura me telefon për shpërthim në distancë.
-55 gramë lëndë narkotike e ngjashme me atë të vajit të hashashit.
-14 telefona celularë.
-dy automjete
-3 fitila si ato zjarrpërcjellës.
-një çantë ku ishin futur minat
Materialet proceduriale i kaluan Prokurorisë së Rrethit Gjyqësor Lezhë, për veprat penale “Trafikimi i armëve dhe municionit”, “Mbajtja e bombave dhe minave me telekomandë në mjedise publike” dhe “Prodhimi dhe shitja e narkotikëve”, kryer në bashkëpunim.
