Kreu i PD foli sërish para gazetarëve pas ndërprerjes së seancës në kuvend, për shkak të tensioneve të krijuara gjatë kohës që fliste kryeministri Rama.
Basha tha se Rama ka treguar se nuk ka ndjeshmëri për njerëzit në nevojë dhe me pas u është drejtuar gazetarëve me një pyetje.
“Rama tregoi se nuk ka dhembshuri për qytetarët, sot janë një pjesë me sytë nga qielli. I kam parë në gjendje të mjerueshme, realitet që ekziston 1 km larg Tiranës, imagjinosi se c’ndodh në vende të tjera.
Rama faktoi se zgjedh të sulmojë opozitën me qëllim për të fshehur përgjegjësinë ndaj të vërtetës. Është njëri i pandjeshëm. Ka lënë pa bukë, drita e ujë, mijëra familje. Kjo është përgjegjësia e Ramës e do bëjmë përgjegjës për këtë emergjence kombëtare të marrë fund, familjeve që meritojnë ndihmën ekonomie ta përfitojnë për të mbajtur shpirtin me bukë”, tha Basha, i cili u pyet nga gazetarët se kur do të jetë protesta e radhës e opozitës.
“Protesta janë të vazhdueshme, kur do ta bëni ju protestën e radhës për nënshtrikim për të drjetat tuaja, kurdo që do ta bëni ne do na keni në krah”, tha Basha.