Kreu i Partisë Demokratike, Lulzim Basha ka ironizuar mbledhjen dy ditore të qeverisë në qytetin e Beratit duke e lidhur atë ngushtë me ndryshimet e kritereve për marrjen e ndihmave ekonomike.
Basha ka postuar një video në Facebook ku shihen qytetarë të Beratit të cilët u është mohuar ndihma.
Sipas tyre heqja e ndihmave sociale është zbatuar pa bërë asnjë lloj verifikimi të gjendjes së tyre të vështirë ekonomike.
REAGIMI I PLOTË:
A ka njeri që e beson mashtrimin e Ramës sot nga Berati se njerëzit preferojnë të marrin 50 mijë lekë ndihmë ekonomike në vend që të punësohen me rroga 400 mijë lekëshe???
Realiteti flet vetë me gojën e këtyre banorëve të Beratit, aty ku banda qeveritare po harxhon sot e nesër miliona lekë për ekskursionin e fundjavës, por asnjë kacidhe për njerëzit në nevojë ekstreme.